“Azərbaycanın bal verən bitkiləri” kitabının yeni nəşri
News / 02-10-2014
Azərbaycanda nəşr olunan arıçılıq haqqında kitablara yenisi əlavə olundu. “Azərbaycanın bal verən bitkiləri” kitabı mərhum akademik Ələkbər Quliyevin 1957-ci ildə nəşr etdiyi kitabın təkrar nəşridir. Arıçılığın digər sahələrində araşdırmalar aparılıb, kitablar nəşr olunsa da “Azərbaycanın bal verən bitkiləri” mövzusunda yeganə sanballı, əhatəli elmi araşdırmalar ötən əsrin ortalarında akademik Ələkbər Quliyev tərəfindən aparılmışdır.
Arıçılığın gəlirli bir sahəyə çevrilməsi üçün Azərbaycanda mövcud olan yabanı və əkilə biləcək mədəni balverən bitkilərin öyrənilməsi əsas şərtlərdən biridir. Ona görə də inanıram ki, görkəmli alimin gərgin əməyi sayəsində əmələ gələn, illər keçsə də aktuallığını itirməyən bu kitab arıçıların, bu sahədə təhsil alan universitet tələbələrinin, elmi tədqiqatçıların stolüstü kitabı olacaq.
Elxan Ələkbərov